دوای دروستکردنی پرۆسه‌ی هاوسه‌رگیریش، په‌شیمان ده‌بنه‌وه‌؟


پێنجشه‌ممه‌-07-کانوونی دووه‌م(مانگی 1)-2021

 بۆچی گه‌نجانی وڵاتی ئێمه‌  ڕه‌شبینن ، ته‌نانه‌ت له‌ دوای دروستکردنی پرۆسه‌ی هاوسه‌رگیریش، په‌شیمان ده‌بنه‌وه‌؟  

ڕه‌شبینی هه‌ستێکه‌ لای مرۆڤ دروست ئه‌بێت له‌ ئه‌نجامی کۆمه‌ڵێک بیرکردنه‌وه‌ی نه‌رێنییه‌وه‌ سه‌باره‌ت به‌ پاشه‌ڕۆژێک که پێی وایه‌ هیوا و ئاواته‌کانی چیتر نایه‌نه‌ دی، هه‌روه‌ها لاوزی باوه‌ڕ به‌خۆبوون و جۆری که‌سێتی ڕۆڵی هه‌یه‌ له‌سه‌رهه‌ڵدانی ئه‌و هه‌سته‌ لای مرۆڤ. به‌هۆی ئه‌و واقیعه‌ی ئێستای کوردستان و نه‌هه‌مواری ژیانی زۆرینه‌ی خه‌ڵک به‌تایبه‌تی گه‌نجان له‌ سایه‌ی دیارده‌ی گه‌نده‌ڵی و نه‌بوونی عه‌داله‌تی کۆمه‌ڵاییه‌تی و زیادبوونی ڕێژه‌ی بێکاری و سه‌ختی پیداوێستییه‌کانی ژیانی هاوسه‌رگیری، زۆرینه‌ی گه‌نجانی ئێمه‌ی‌ دووچاری ڕه‌شبینی کردوه‌ته‌وه‌. سه‌باره‌ت به‌ پرۆسه‌ی هاوسه‌رگیری و په‌شیمان بوونه‌وه‌ لێی له‌پاش تیپه‌ربوونی چه‌ند مانگێک به‌سه‌ریدا، دیارده‌یه‌کی گشتییه‌ له‌سه‌ر ئاستی وڵاتانی جیهان. كوڕان و کچان توشی حاڵه‌تی خه‌مۆکی و نائومێدی و دڵته‌نگی ئه‌بن، کاتێک بۆیان ده‌رئه‌که‌وێت هاوسه‌رگیری که‌ لوتکه‌ی هیوا و ئاوات و خه‌ون و خه‌‌یاڵییان بوو،  کۆمه‌ڵێک کێشه‌ی ڕووبه‌ڕوویان کردوه‌ته‌وه‌ له‌سه‌رووی هه‌موویانه‌وه کێشه‌ی نیشته‌جێبوون و نه‌بوونی دارایی و دانه‌وه‌ی قه‌رز و به‌رپرسیارێتی و نه‌‌گونجاندن له‌ هاوسه‌رگیڕی و تێنه‌گه‌یشتن له‌یه‌کتری، به‌ پیچه‌وانه‌ی پێشبینییه‌کانی هه‌ردوو لای پرۆسه‌که‌، سه‌ره‌ڕای ده‌ستێوه‌ردانی که‌سوکار و کۆمه‌ڵ له‌ کاروباری ژیانیاندا.‌ 

ڕێنمایی توێژه‌ر:

یه‌كه‌م: متمانه‌ بوودن به‌خود،  ته‌ماشای ئه‌زموونی كه‌سانێك بكه‌ كه‌ هاوسه‌رگیرییانكردووه‌ و ئێستا دڵخۆشن. 

دووه‌م: ژنهێنان  نابێته‌ هۆی ئه‌وه‌ی كه‌ تۆ ئیتر واز  ئامانجه‌كه‌ت بێنی.  بیر له‌وه‌ كه‌ره‌وه‌ چۆن خوێندنی باڵا ته‌واو بكه‌یت. 

سێیه‌م: له‌ سه‌ره‌تادا وا گونجاوتره‌ تا دوو ساڵ له‌ ژێر چاودێری ماڵه‌ خه‌زوورانت بیت.

www.xezan.org/2021-01-07-134426